Í byrjun janúar kláraði Vestan ehf að setja upp nýtt tilkynningarkerfi fyrir farþega ferjunnar Baldurs.

Kerfið léttir mikið á stjórnendum skipsins sem þurfa að lesa upp löng og mikil skilaboð á tveim til þremur tungumálum til farþega í hvert sinn sem farið er úr höfn eða komið í höfn á öllum viðkomustöðum ferjunnar.

Fyrirfram lesin skilaboð eru sett á minniskubb og velur skipstjórnarmaður þau skilaboð sem hann vill láta heyrast með því að ýta á viðkomandi hnapp. Kerfið býður upp á 30 mismunandi skilaboð.

Þetta kerfi er sérsmíðaverkefni Vestan ehf fyrir Sæferðir ehf í Stykkishólmi.

Hnappaborðið sem velur skilaboðin sem eiga að heyrast.   Fleiri myndir af kerfinu eru í myndaalbúminu.